Askush nuk paguan më shumë për sigurime shëndetësore se sa zviceranët

Zvicra, së bashku me SHBA-në, janë liderë botërorë në shpenzimet shëndetësore private për kokë banori

Sipas një studimi të Comparis mbi sigurimin shëndetësor suplementar, zviceranët paguajnë më shumë nga xhepat e tyre për sigurime shëndetësore në mbarë botën, përcjell albinfo.ch.

Në fakt, qytetarët zviceranë paguajnë pothuajse aq shumë për kujdesin shëndetësor privat. Edhe gatishmëria për të paguar është e madhe.

Një studim i porositur nga Comparis i shërbimeve krahasuese tregon se nga gjithsej 80 miliardë franga zvicerane për shpenzimet shëndetësore, zviceranët kanë paguar në vitin 2016 një total prej 24 miliardë frangash direkt nga portofoli i tyre. Pothuajse 20 për qind (5.4 miliardë franga zvicerane) prej tyre ishin përfitime plotësuese të sigurimeve shumë fitimprurëse për siguruesit. Rreth 80 për qind ishin vetë pagesa vullnetare.

Vetëm dy të tretat e kostove janë për përfitimet bazë të sigurimit

Siç shkruan 20min, në terma absolut, Zvicra, së bashku me SHBA-në, janë liderë botërorë në shpenzimet shëndetësore private për kokë banori, shkruan albinfo.ch.

Që nga viti 2012 shpenzimet shëndetësore private në Zvicër janë rritur në linjë me atë të sigurimit bazë. Një pjesë e konsiderueshme (5.5 miliardë franga zvicerane) janë shpenzuar për pensionin dhe kujdesin në shtëpitë e pleqve.

3 miliardë të tjerë janë shërbime mjekësore të vetëpaguara. Vlen të përmendet se shërbimet mjekësore të mbuluara nga sigurimi bazë përbëjnë vetëm rreth dy të tretat e shpenzimeve të përgjithshme mjekësore. 2.8 miliardë franga të tjera shpenzohen në stomatologji dhe 1.6 miliard franga zvicerane për ilaçe.

Me një pjesëmarrje prej rreth 5.4 miliardë frangash zvicerane, sigurimet suplementare përbënin rreth 20 për qind të kostove të kujdesit shëndetësor të financuar privatisht gjatë vitit 2016. Produktet e sigurimeve ishin dukshëm më fitimprurëse se sa klientët e tyre: ndërmjet viteve 2008 dhe 2016 të ardhurat nga premitë u rritën me 865 milionë franga zvicerane, në 6.6 miliardë franga. Në të kundërtën, pagesat e dëmeve u rritën me vetëm 353 milionë franga (në 4.7 miliardë franga). Kjo rezulton në një rritje të konsiderueshme prej 512 milionë frangash për industrinë.

---