KDI-ja kërkon të respektohet mandati i Kuvendit

KDI-ja u bën thirrje institucioneve të vendit të respektojnë mandatin e Kuvendit të Kosovës, si institucioni më i lartë ligjvënës

Instituti Demokratik i Kosovës ka dalë në mbështetje të iniciativës së opozitës për mbajtjen e seancës së jashtëzakonshme për dialogun Kosovë-Serbi.

KDI-ja fton të gjitha partitë politike parlamentare të mobilizohen që të mblidhen nënshkrimet e nevojshme për të ftuar sa më shpejt këtë seancë.

“Republika e Kosovës ka hyrë në fazën finale të dialogut pa një strategji shtetërore të aprovuar në Kuvendin e saj, pa përcaktuar temat e diskutimit, vijat e kuqe, afatet kohore, pritshmëritë e palës kosovare në këtë proces dhe pa legjitimuar me anë të një rezolute ekipin udhëheqës të Kosovës në këto bisedime”, thuhet në njoftim.

KDI-ja u bën thirrje institucioneve të vendit të respektojnë mandatin e Kuvendit të Kosovës, si institucioni më i lartë ligjvënës.

---