Një tortë e gjatë 2 kilometra!

Për të janë përdorur 4884 kilogramë miell, 2800 kg buter, një ton sheqer dhe marmeladë, qindra kilogramë pemë të thara si dhe 43.000 vezë

Në ethet për të thyer rekorde, kaq të pranishme sot gjithandej nëpër botë, ëmbësira e përgatitur më 3 janar 2013 në Mexico City të Meksikës me siguri ua kalon të gjithave. Afër 2 kilometra (1.9km) e gjatë, ajo ka zënë sheshin e madh Zocalo të kryeqytetit meksikan. Për ëmbëlsirën gjigante janë përdorur 4884 kilogramë miell, 2800 kg buter, një ton sheqer dhe marmeladë, qindra kilogramë pemë të thara si dhe 43.000 vezë.

Me këto dimensione dhe këtë vëllim, nuk është çudi që një ëmbësirë e tillë është ndarë në 200 mijë porcione.

Ëmbëlsira është bërë në shenjë të festës së krishterë të Epifanisë që është kremtuar dje. Festa na përkujton vizitën që tre mbretërit e shenjtë i bëjnë Jezu Krishtit të porsalindur në Betlehem.