Medikament i ri kundër tuberkulozit

Bëhet fjalë për një “moment vërtet historik” në këtë drejtim për faktin se për çdo vit në botë nga tuberkulozi vdesin më shumë se një milion njerëz

Autoritetet amerikane për lejimin e barnave të reja kanë lejuar futjen në qarkullim të ilaçit të ri kundër tuberkulozit. Ky medikament është i pari që është zhvilluar enkas për luftimin e tuberkulozit, që nga viti 1963, njofton organizata “Mjekët pa kufij”.

Sipas saj me këtë zbulim bëhet fjalë për një  “moment vërtet historik” në këtë drejtim. Kjo për faktin se për çdo vit në botë nga tuberkulozi vdesin më shumë se një milion njerëz.

Sipas organizatës botërore të shëndetësisë, shkaktarët e tuberkulozit, me kalimin e kohës po bëhen gjithnjë e më shumë rezistencë ndaj antibiotikëve që përdoren zakonisht për shërimin nga kjo sëmundje.