Shtatorja e Hitlerit në geton e hebrenjve

Kjo skulpturë e artistit italian Maurizio Cattelan e paraqet diktatorin të gjunjëzuar, duke u lutur

Në geton e njohur hebrenje të Varshavës, një shtatore 1.1 metër e Hitlerit po shkakton debate të zjarrta. Kjo skulpturë e artistit italian Maurizio Cattelan e paraqet diktatorin të gjunjëzuar, duke u lutur.  Shtatoren e ka vendosur Qendra për Artin Bashkëkohor e Varshavës.

Ndërkohë, Qendra Simon Wisental e Jerusalemit, që merret me ndjekjen e nazistëve, e ka quajtur provokim skulpturën e përmendur. Por tjetër mendim ka shprehur kryerabini polak. Sipas tij shtatorja ka vlerë edukative.

Shtatorja që paraqet Hitlerin është pjesë e një prezantimi retrospektiv të artistit Cattelan, me titullin “Amen”. Tema e retropektivës flet për polaritetin në mesjetës dhe vdekjes, të mirës dhe të keqes.