Elida Shehu ringjall shansonën te gjermanët

Në Gjermani ajo ka ngrituir një karrierë të dytë muzikore. Krahas repertorit të saj, Elida këndon edhe këngë të Krishtlindjeve

Këngëtarja nga Shqipëria, Elida Shehu e cila prej vitesh jeton në Gjermanika gjetur veten në një stil të ri këndimi. Ajo këndon shansona të këngëtareve të njohura të kohëve të shkuara dhe me këtë stil ka bërë per vete mjaft dëgjues të moshës pak më të thyer.

“Vetëm me zërin e saj, pa shoqërim instrumentesh, ajo entuziazmon publikun me këngët dhe shansonat e stilit çfarë për herë të frundit i kemi dëgjuar nga Milva ose Alexandra”, shkruan gazeta “Westfällische Nachrichten”. Temat e këngëve të Elidës i takojnë plotësisht asaj. Ato kanë të bëjnë me pikëtakimet në mes të kulturave dhe me dashurinë që vërshon gjithçka.

Elida e ka përjetuar atë që këndon. Në Shqipëri, ku ajo është rritur, si këngëtare e re pati bërë një karrierë të suksesshme në radio dhe në televizion. Kështu, ajo e njeh jetën nga të gjitha anët e saj.

Në Gjermani ajo ka ngrituir një karrierë të dytë muzikore. Producentët Jan Kramer dhe Jakob Volz kanë zhvilluar një tingull që me një fuqi të madhe bindëse i përshtatet plotësisht Elidës.

Në atë tingull rrjedhin si elementet moderne ashtu dhe kitara, mandolina dhe koret e mëdha. Kjo e gjitha jep një përzierje që është në traditën e shansonës së madhe , por që në aplikimin e saj sharmant e bashkëkohor, tingëllon aktuale dhe e freskët. Krahas repertorit të saj, Elida këndon edhe këngë të Krishtlindjeve dhe të Adventit.