Sonte eklipsi më i gjatë i shekullit: Hëna e kuqe i afrohet Marsit të shndritshëm

Fansat e universit mund të sfidohen këtë natë për një spektakël qiellor: hëna do të eklipsohet nga dielli dhe gjatë një periudhe të gjatë do të qëndrojë pranë marsit duke marrë ngjyrën e kuqe. Gjithashtu do të ketë sipërfaqen më të madhe se zakonisht. Kjo pasi planeti do t'i afrohet tepër diellit dhe tokës, shkruan albinfo.ch.

Fansat e universit mund të sfidohen këtë natë për një spektakël qiellor: hëna do eklipsohet nga dielli dhe gjatë një periudhe të gjatë do qëndrojë pranë Marsit duke marrë ngjyrën e kuqe. Gjithashtu do ketë sipërfaqen më të madhe se zakonisht. Kjo pasi planeti do i afrohet tepër diellit dhe tokës, shkruan albinfo.ch.

Nëse në 2015 në disa vende të botës eklipsi i plotë zgjati 12 minuta, ndërkohë sonte në mbrëmje eklipsi total do zgjasë 103 minuta. Kjo do jetë më e madhja në shekullin e 21.

Kur fillon eklipsi?

Në ora 21.00 të mbrëmjes. Atëherë nuk do ketë errësim të plotë të hënës, por pjesërisht. Kjo do të thotë se do shikohet akoma një gjurmë e vogël. Në ora 21.30 fillon eklipsi total, për të përfunduar në 23.13. Atëherë do shfaqen gjurmët e para të hënës.

E veçanta e kësaj nate është edhe planeti Mars, i cili gjatë gjithë kohës do shoqërojë hënën. Ky kontelacion ndodh vetëm disa herë në mijëra vjet.

I gjithë spektakli qiellor mund të shikohet sonte më mirë në vendet malore dhe nëse qielli është i hapur. Në rast të shiut ose mjegullave, gjithçka shumëzohet me zero.