Bota
Spanja tërheq urdhër-arrestin europian kundër ish-presidentit të Katalonisë
Gjykata Supreme e Spanjës e tërhoqi urdhër-arrestin europian kundër ish-presidentit të Katalonisë, Carles Puigdemont, dhe pesë ndihmësve të tij që mbeten jashtë vendit.
Një gjykatë në Gjermani konstatoi më herët se Puigdemont nuk mund të ekstradohet për t’u përballur me akuzat e Spanjës për rebelim, për shkak të shtytjes së tij për pavarësinë e Katalonisë.
Rebelimi është akuza më serioze që është ngritur kundër Puigdemont, shkruan REL përcjell Albinfo.ch.
Por, akuzat kundër gjashtë separatistëve katalanas mbeten, çfarë do të thotë se ata ende përballen me arrestim nëse kthehen në Spanjë.
Gjykata rajonale në Shlesvih-Hollstajn në Gjermani tha se Puigdemont mund të ekstradohet për akuzën e keqpërdorimit të fondeve publike, por jo për rebelim apo për kryengritje.
Gjykatësi i lartë spanjoll, Pablo Llarena, tha se duke vepruar kështu, gjykata gjermane tregoi një “mungesë angazhimi” me rastin dhe shkeli rregullat e urdhër-arrestit.
Ai e akuzoi atë për minimin e kompetencave të gjykatës supreme spanjolle.
Spanja e nxori të jashtëligjshëm referendumin e pavarësisë të mbajtur në Kataloni më 1 tetor. Ajo po ashtu e konsideron të paligjshme deklaratën pasardhëse të Katalonisë për pavarësi.
I përballur me arrestimin në Spanjë, Puigdemont iku në Belgjikë dhe më pas u zhvendos në Gjermani, ku po lufton kundër ekstradimit.
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Austri
-
Kandidatja austriake për eurodeputete viziton Zubin Potokun Kandidatja austriake për eurodeputete, Kati Schneeberger, ka vizituar të dielën Komunën e Zubin Potokut. Ajo është...
-
Kandidati për eurodeputet, Lukas Mandl vizitoi meshën shqipe në Vjenë
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?