Të Gjelbrit, optimistë përkundër humbjeve

Partia e Gjelbër, përkundër disa humbjeve që ka shënuar në zgjedhjet e kohëve të fundit e sheh veten në një pozicion shpresëdhënës. Këtë e ka theksuar bashkëkryetarja e partisë, Adele Thorens në kuvendin e partisë, të mbajtur sot në Bernë.

Nga njëra anë, në vitin e ardhshëm do të jenë aktuale temat që më së shumti përkojnë me filozofinë e të gjelbërve. Ndërsa, nga ana tjetër, për herë të parë në historinë e kësaj partie, një përfaqësuese e të gjelbërve zgjidhet kryetare e Parlamentit Nacional të Zvicrës.

Në kuvendin e tyre, të gjelbrit kanë marrë vendimin që të mbështesin inciativën për eficiencën e përdorimit të energjisë elektrike. Kjo iniciativë kërkon që përdorimi i energjisë elektrike në vitin 2035 të mos e tejkalojë atë të vitit 2011.