Hoxhaj: Dialogu është kyç për njohjen nga pesëshja e BE-së

Ai tha se institucionet e Kosovës duhet ta bëjnë të kundërtën e asaj që mendon Serbia që Kosova të mos ketë politikë të jashtme

Dialogu me Serbinë dhe marrëveshja finale janë kyçe për njohjen e Kosovës nga pesë vendet e BE-së, që ende nuk e kanë njohur pavarësinë e Kosovës, ka thënë zëvendëskryeministri i Kosovës, Enver Hoxhaj, në tryezën me temën “Cila duhet të jetë qasja e Kosovës ndaj pesëshes mosnjohëse të BE-së”, organizuar nga Instituti i Prishtinës për Studime Politike.

Ai tha se institucionet e Kosovës duhet ta bëjnë të kundërtën e asaj që mendon Serbia që Kosova të mos ketë politikë të jashtme. Megjithatë, ka pranuar se procesi i dialogut rreth ndryshimit të qëndrimit të këtyre vendeve është kyç.

Ndërsa, deputeti Ilir Deda ka kritikuar institucionet e vendit për qasjen ndaj pesë vendeve mosnjohëse të BE-së. Ai ka përmendur moshapjen e Zyrës ndërlidhëse në Athinë të Greqisë tash e dhjetë vjet.