Hoxha nënshkruan marrëveshjen “Evropa për qytetarët”

Ministrja e Integrimit Evropian të Kosovës, Dhurata Hoxha, në Bruksel, ka nënshkruar marrëveshjen me programin “Evropa për qytetarët”, me Drejtoreshën e Përgjithshme për Migrim, Punë të Brendshme dhe Shtetësi e Komisionit Evropian, Paraskevi Michou, vlera e të cilës është 187 milionë euro.

Hoxha tha se ky program do të jetë shumë i mirëseardhur për të rinjtë, sepse nëpërmjet tij, rrit ndërgjegjësimin për historinë dhe vlerat e përbashkëta evropiane, përcjell albinfo.ch.

Ministrja Hoxha, theksoi se prioritetet specifike janë “Angazhimi Demokratik dhe pjesëmarrja qytetare”, si fushë që përfshin Debatin e së ardhmes së Evropës dhe sfidimin e euroskepticizmit.