Hap që duhet përshëndetur, KF Kosova e Gjenevës shuan ekipin e tij të dytë

Pas rrahjes së përgjithshme të dielën në mëngjes në Versoix, kryesia e klubit të Gjenevës shpërbeu ekipin e tij të dytë. Kryesia e KF Kosova është e pamëshirshme me anëtarët e saj.

Të martën ajo ka njoftuar se do të tërheq menjëherë ekipin e saj të dytë, i cili luante në ligën e katërt. Vendimi është marrë urgjentisht nga kryesia e klubit natën e së hënës, pas zënkës së përgjithshme të mëngjesit të së dielës në Versoix, përcjell albinfo.ch.

Një konflikt i rëndë shpërtheu në fund të finales së kampionatit të ligës së katërt, me ç`rast dy lojtarë të Versoix u plagosën rëndë. Kosova, e cila sikurse edhe Versoix ishte promovuar në ligën e tretë, nuk do të marrë pjesë në këtë kategori garash.

Në komunikatën e tij, klubi në veçanti shkruan: “Në perspektivën e vetëkritikës, ne shprehim vendosmërinë tonë dhe kemi marrë masa radikale, që janë aq të dhimbshme  edhe për ne. Ne sinqerisht shprehim keqardhje dhe shqetësim për ngjarjet që u shkaktuan gjatë ndeshjen finale të ligës së katërt, duke iu dëshiruar shërim sa më të shpejtë të lënduarve. Sjellja e papranueshme e disa individëve është një shqetësim i vërtetë kundër FC KOSOVËS dhe imazhit të lojtarëve, si dhe përkrahësve tanë. Këto veprime të mjerueshme sjellin një amalgam mes disa individëve të papërgjegjshëm dhe shumicës dërmuese të lojtarëve dhe mbështetësve tanë që kanë treguar ndjenjën e tyre të përgjegjësisë”, përcjell tutje albinfo.ch.

Presidenti i FC Kosova, Selajdin Salihu, i cili gjithmonë ka mohuar natyrën raciste të fyerjeve që kinse janë shqiptuar nga njëri prej lojtarëve të tij para se të fillojë zënka, insiston në këtë pikë. Ai tregon se “askund në raportin e arbitrit që na është dërguar nuk është përmendur fjala Negro”.

http://www.20min.ch/ro/videotv/?vid=618749&cid=121