Media austriake: Zgjidhja e kontestit të emrit deri të shtunën

Reuters

Pas presioneve të shumta, deri të shtunën pritet që të përfundojë marrëveshja e shumë pritur mes Shkupit dhe Athinës rreth kontestit të emrit “Maqedoni”. Kërkesa duket se është bërë nga SHBA, tregojnë mediat lokale maqedonase dhe “Wiener Zeitung”. Kryeministri Zoran Zaev këtë as nuk e ka pranuar dhe as nuk e ka demantuar, përcjell albinfo.ch.

Sipas medias austriake, ka një marrëveshje njëzet faqeshe, e cila do nënshkruhet në takimin e radhës mes dy shefave të qeverisë Zaev dhe atij grek Aleksis Cipras.

Emrat më shumë të përfolur si zgjidhje janë “Republika e Maqedonisë së Epërme” ose “Republika e Maqedonisë së Re”.