Manifestime
Njihuni me tifozin e kombëtares që nuk shkon askund pa fotografinë e Agim Ramadanit
Besi Dermaku është djaloshi i ri nga Kosova që saherë i jep veturës, pas i shkon hija e heroi Agim Ramadani. Ai ka kohë që nget me krenari të madhe veturën e tipit Golf të veshur me ngjyrat kuq e zi e me një dizajn unikat.
Ajo që veçon këtë veturë dhe zgjon reagimin e mërgimtarëve që jetojnë në Zvicër, është figura e heroit Agim Ramadani që ka zënë vend në dritarën mbrapa me poezinë e famshme të Agimit.
Kështu ai është dukur edhe të marten në lojën e zvilluar mes Kosovës dhe Shqipërisë në Cyrih, ku në mesin e dhjetëra veturave të veshur me flamuj kuq e zi, Golfi i Besit kishte marrë vëmëndjen e shumë tifozëve shqiptarë.
Besi Dermaku është një djalë nga Gjilani, i cili ka emigruar para tetë vjetësh në Zvicër. Këtu ai ka ndjerë edhe më shumë mallin për vendin e tij, Kosovën dhe duke u angazhuar në aktivitete kulturore e sportive, është lidhur edhe më tepër me kombëtarën e futbollit, të cilën e ndjek thuajse kudo që ajo luan. Mirëpo atij nuk i ka mjaftuar kjo, ai thotë të ketë qenë gjithnjë i frymëzuar nga vepra heroike në shërbim të atdheut të Agim Ramadanit, prandaj ka vendosur të bëjë diçka unikate në nderim të veprës së tij.
“Për dy vite kam menduar si mundë ta nderoj këtë trim, dhe në vitin 2016 vendosa të blej një veturë me ngjyrë të kuqe dhe ta veshi me flamurin tonë kombëtar. Pastaj vendosa komandantin Agim Ramadanin në xhamin mbrapa, që ta kemë kudo që jam fotografinë dhe poezinë e tij të shkruar: Mu shterrshin sytë, nëse pushoj lirinë tënde më ëndrrue, mallkue qoftë gjaku im nëse më vrasin pa luftue.”
Besi beson më shumë në gjërat që na bashkojnë. Ai ëndërron një kombëtare të fort të përbashkët me lojtarë shqiptarë nga të gjitha trojët, por e kupton që kjo tani nuk është e mundur.
„Dëshira ime e madhe ishte që ne të kemi një kombëtare shqiptare të fort e lojtarë nga të gjitha trojet, ku jetojnë shqiptarët, por fati ynë eshtë se tani marrim pjesë me dy ekipe, kombëtaren shqiptare dhe përfaqësuesen e Kosovës, por kjo nuk na ndanë sepse kemi shumë gjëra të tjera që na bashkojnë”, shprehet për albinfo.ch Besi Dermaku.
Të tjera nga Manifestime
E-Diaspora
-
Edita mori diplomën e tretë të Juridikut në Universitetin “Wake Forest” Një titulli i ri për Editën, storje suksesi në Diasporë ...
-
Rekord i ri i krimeve të motivuara politikisht në Gjermani
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi