Zinedine Zidane largohet nga Real Madridi

Francezi me prejardhje algjeriane si trajner i Real Madridit ka fituar plot nëntë trofe, ku përfshihen edhe tri Liga të Kampionëve dhe një La Liga

Zinedine Zidane nuk do të jetë trajner i Real Madridit sezonin e ardhshëm. Trajneri francez, në një konferencë për media së bashku me presidentin e klubit, Florentino Perez, ka njoftuar se nuk do të drejtojë sezonin e ri “Mbretërit”.  “

Kam vendosur të mos vazhdoj më si trajner i Real Madridit. Është një çast i çuditshëm, por ky ekip ka nevojë për një ndryshim për të mbajtur ecurinë e fitoreve”, deklaroi Zidane.

Ndryshe, francezi me prejardhje algjeriane, si trajner i Real Madridit ka fituar plot nëntë trofe, ku përfshihen edhe tri Liga të Kampionëve dhe një La Liga.