Posta Zvicerane, më e mira në botë

Në konkurrencën e 173 postave nacionale, në vendin e dytë vjen Holanda ndërsa në të tretin, Japonia

Ashtu sikur në shumë rangime tjera, Zvicra zë vendin e parë në botë edhe për postën e saj. Kështu në ranglistën e realizuar nga Organizata Botërore e e Postave, Posta e Zvicrës ka zënë për të dytin vit me radhë vendin e parë, shkruan srf.ch.

Në konkurrencën e 173 postave të po kaq vendeve, Posta Zvicerane është e para sa i përket efikasitetit, shpejtësisë dhe kualitetit të saj. Në vendin e dytë vjen Holanda ndërsa në të tretin, Japonia.

Në top dhjetëshen e postave më cilësore në botë radhiten disa nga shtetet fqinje të Zvicrës, si Gjermania, në vendin e katërt, Franca, në vendin e pestë dhe Austria, në të dhjetin, transmeton albinfo.ch. Ndërkaq posta e fqinjes tjetër të Zvicrës, ajo e Italisë zë vetëm vendin e 28-të.

Studimi nga i cili ka rezultuar kjo ranglistë është bërë mbi bazë të vlerësimit të kritereve si: besueshmëria, rrezja e veprimit, relevanca dhe prirja për inovacion e shërbimeve postare përkatëse.