Vdes ish ministri Otto Stich

Ai ka qenë njëri ndër ministrat më të besueshëm dhe më të afërt me popullin”, ka thënë klryetari i SP-së, Levrat

Ka vdekur dje në moshën 85 vjeçare ish ministri dhe presidenti i Zvicrës, Otto Stich. Ai ka mbajtur postin e ministrit të financave nga viti 1983 deri në vitin 1995 kur ka dhënë dorëheqjen nga posti.

Stich ka qenë anëtar i Partisë Socialdemokrate, ndonëse për tu zgjedhur në postin e ministrit federal nuk pati gëzuar përkrahjen e partisë së tij.

Ndër sukseset kryesore të Stich-ut në funksionin e ministrit të financave ka qenë vënia në fuqi e tatimit të vlerës së shtuar, e cila qe pranuar me votat e popullit vetëm në përpjekjen e katërt.

Në fund të vitit 2011 Stich pati publikuar autobiografinë e tij me titullin “Unë, thjesht, mbeta i thjeshtë”.

Kryetari aktual i Partisë Socialdemokrate, Christian Levrat ka vlerësuar lartë ish ministrin. “Ai ka qenë njëri ndër ministrat më të besueshëm dhe më të afërt me popullin”, ka thënë ai.