Shqipëria
Shqipëria duhet të bëjë një zgjedhje midis BE-së dhe Turqisë
Huffington Post" shkruan: "Shqiptarët duhet të kuptojnë se investimet e Erdoganit në ekonominë e tyre janë vetëm një fasadë për të fshehur qëllimin e tij të përgjithshëm: ta bëjë Ballkanin gjithnjë e më shumë të varur nga Turqia..."
Në një shkrim të thuktë të së përditshmes kanadeze “L`Huffington Post” thuhet se Erdogani është duke droguar Shqipërinë, duke e furnizuar me disa doza të vogla të ndihmave ekonomike, deri në momentin që ajo t`i dorëzohet manipulimeve dhe mashtrimeve të tij. Erdogani është në përpjekje për të rivendosur pushtetin në trojet e ish Perandorisë Osmane, duke i vlerësuar shtetet e Ballkanit si pre e lehtë.
Në një intervistë të Televizionit shqiptar “Top Chanel”, kohë më parë kishte deklaruar se Turqia në Shqipëri kishte investuar tre miliardë euro.
Nga ana tjetër, vendet e Ballkanit janë duke bërë përpjekje maksimale për tu antarësuar në BE, ndërkohë që Turqia është duke demonstruar fuqinë e saj ekonomike për të tërhequr Shqipërinë dhe vendet e tjera të Ballkanit në orbitën e saj gjeostrategjike.
Investimet turke në Shqipëri janë selektive dhe llogariten strategjikisht për të prodhuar ndikimin maksimal ekonomik dhe politik në tregjet financiare, si dhe në projektet kryesore kombëtare. Kryeministri Edi Rama, i cili mbështet plotësisht këto projekte, dihet se ka marrëdhënie të ngushta me Erdoganin (ai është i vetmi lider europian që mori pjesë në martesën e vajzës së presidentit turk). Aktualisht, ai është duke negocuar në ndërtimin e një aeroporti turistik në Vlorë, 140 km në jug të kryeqytetit Tiranë.
Më tej, “Huffington Post” shkruan: Shqiptarët duhet të kuptojnë se investimet e Erdoganit në ekonominë e tyre janë vetëm një fasadë për të fshehur qëllimin e tij të përgjithshëm: ta bëjë Ballkanin gjithnjë e më shumë të varur nga Turqia, duke e bërë Ankaranë qendrën e pushtetit për të rikthyer periudhën e Perandorisë Osmane në kohën e lavdishme të saj, njofton Albinfo.ch.
Gjatë një fjalimi në Universitetin Kolumbia në prill të këtij viti, ministri i Jashtëm shqiptar Ditmir Bushati iu është shmangur të gjitha fakteve në lidhje me aktivitetin turk në Shqipëri, duke pohuar se “Turqia nuk e kishte ndërtuar xhaminë më të madhe në Shqipëri dhe se kjo xhami është ndërtuar për nevojat e myslimanëve”. Ky shtrembërim ishte vetëm një përpjekje për të dëshmuar se dhjetëra xhami të reja janë hapur në Shqipëri dhe janë financuar nga Erdogani.
Autori Alon Ben-Meir është drejtor ekzekutiv në Qendrën për çështje globale në Universitetin e Nju Jorkut
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?