Punëtorët e ‘Llamkos’-it kërkojnë t’u bëhet një zgjidhje

Punëtorët e dikurshëm të ‘Llamkos’- it u janë rikthyer protestave, pasi vazhdojnë të presin me vite të tëra t’u jepen pagat për punën e bërë dhe që deri më tani nuk kishte ndonjë lëvizje.

Punëtorët fillimisht kanë mbajtur protestë te Dhoma e Veçantë e Gjykatës Supreme të Kosovës, ku pas takimit të mbajtur, kanë marrë premtime se me këtë çështje do të nisin të merren pas dy javësh dhe do të ftohen edhe drejtuesit e AKP-së, përcjell albinfo.ch.

Punëtorët kanë protestuar edhe te Qeveria, duke kërkuar ndihmën e saj. Ata kanë thënë se vlera e borxhit për secilin prej 40 punëtorëve arrin në mbi 3 mijë euro. Të njëjtit janë ankuar për kushte të vështira ekonomike.