21 mijë euro donacion për Klinikën e Syve

Në Klinikën e Syve të Qendrës Klinike Universitare të Kosovës është bërë dorëzim-pranimi i donacionit me aparatura oftalmologjike në vlerë prej 21 mijë eurosh nga “People in Need”, mundësuar nga Agjencia çeke për zhvillim.

Florim Zejnullahu, drejtor i Klinikës së Syve në QKUK, tha se donacioni ka shumë vlerë për këtë klinikë, ngase janë pajisje dhe aparatura shumë të nevojshme, përcjell albinfo.ch.

Ramadan Berisha, udhëheqës i zyrës “People in Need për Kosovë”, theksoi se kjo aparaturë do të mundësojë dhe do të lehtësojë trajtimin e personave që kanë probleme me shikim, e që ka qenë edhe synimi kryesor i donacionit që është realizuar përmes Agjencisë çeke, e cila është e pranishme nga viti 2010 në Kosovë.