Halli i qytetarit: “Nga e premtja i kam familjen pa bukë, veç vetëvrasja më ka mbet”

Sot në lidhjen direkte të televizionit 7 në “Express Morning”, ka ndodhur një ngjarje jo shumë e zakonshme dhe ndryshe nga lidhjet që jemi mësuar t’i shohim çdo ditë në emision.

Pyetja drejtuar qytetarëve për sot ishte se nëse ishin të vetëdijshëm që java e dytë e muajit maj, konkretisht data 13, njihet si Dita e Nënës, por që ndryshon nga vendi në vend, aty gazetari Ardian Gashi hasi në një zotëri i cili nuk ishte i gatshëm të përgjigjej në këtë pyetje dhe vijoi duke treguar hallin e tij.

Quhej Hamdi Aliu. Ai për “Televizionin 7” tha që një përmbarues privat i ka ndërprerë të ardhurat me të cilat mbahej familja e tij. Ai i përlotur rrëfen më tej tregimin duke akuzuar Qeverinë e Kosovës, derisa ka kërcënuar me vetëvrasje, raporton Express

“Po dëgjojmë raste të ndryshme ku njerëzit në Kosovë po kryejnë vetëvrasje një gjë të tillë po na detyron ky vend ta bëjmë”, u shpreh ndër të tjera ai, përcjell albinfo.ch.

https://www.youtube.com/watch?v=KDsuke2OMSM