Kryeprokurori thotë se dy policët u vetë aksidentuan

Dy policët Armend Trena dhe Malësor Dashi sipas raportit të ekspertizës së komunikacionit janë vetë aksidentuar.

Lajmin e ka konfirmuar kryeprokurori i Prokurorisë Themelore të Ferizajt, Shukri Jashari.

Ai për KALLXO.com tha se, kanë marrë raportin e ekspertizës dhe ai thotë se policët të cilët ranë në lumin Lepenc u vetë aksidentuan.

Në anën tjetër kryeprokurori Jashari është duke pritur edhe raportet e autopsisë së dy policëve të aksidentuar më 28 prill të muajit të kaluar, përcjell albinfo.ch.

Trupi i Malësor Dashit u gjet në ujërat e lumit Lepenc pas pesë ditë kërkimesh, ndërsa trupi i Armend Trenës u gjet në ditën e dhjetë të kërkimeve që po bëheshin në lumin Lepenc më saktësisht në vendin e quajtur ‘Kulla me Qeshme”.