Aeroplani kthehet prapa për shkak të një grindjeje mes pasagjerëve

Pas 6 orësh fluturimi, avioni i linjes Cyrih - Pekin u detyrua të kthehet nga gjysma e rrugës të dielën

Pasagjerët në fluturim nga Cyrihu drejt Pekinit nuk mundën të arrijnë në cak të dielën. Kapiteni vendosi më në fund të kthehet në Cyrih, kur avioni ishte pothuajse në gjysmë të rrugës.

“Një aeroplan zviceran zbarkoi dje në orën 21:24 në pistën 34 për shkak të udhëtarëve të padisiplinuar”, tha të hënën transportuesi “Skyguide Raimund Friedrich” për mediat zvicerane. Në mënyrën e të folurit në fushën e aviacionit, termi “pasagjerë të padisiplinuar” përdoret kur ka komplikime për shkak të udhëtarëve të padisiplinuar.

Për arsye ende të panjohura, dy udhëtarë në fluturimin Zurich-Pekin kanë pasur një mosmarrëveshje, ndërsa avioni ishte tashmë në qiell, shpjegon gazeta “20 minuten.ch”, duke cituar zëdhënësin e kompanisë Swiss. Pas kësaj grindjeje në mes të dy udhëtarëve, piloti ka vendosur të kthehet prapa pas gjashtë orësh fluturimi.

Megjithatë, një ulje urgjente në Moskë nuk ishte e nevojshme, sipas përgjegjësit Swiss. Ndërkaq, bëhet e ditur se policia ka pritur dy pasagjerët e lartpërmendur në aeroportin e Cyrihut. Fluturimet Zvicër-Pekin janë të përditshme nga Cyrihu.