Erdhi dimri para vjeshtës

Moti veror ia lëshoi rrugën këtë fundjavë befasueshmërisht shiut, dëborës, erës si dhe temperaturave të ftohta në mbarë Zvicrën. Disa rrugë të bjeshkëve janë mbyllur përkohësisht. Megjithatë, situata pritet të normalizohet këtë javë.

Që prej të enjtes Zvicra pati shira të mëdha në mbarë vendin. Midis të enjtes dhe të shtunës në mbrëmje është matur një rënie prej 99 mm në Napf (BE / LU) dhe 86 mm në rajonin e Luzernit, ka bërë të ditur MeteoNews.

Në bjeshkë fillimi i vjeshtës meteorologjike u shënua me një atmosferë dimrore me rënie të borës në lartësi mbi 1500 metra të shtunën. Një situatë “e cila nuk është e pazakontë në këtë kohë”, shpjegon MeteoSwiss, duke theksuar se në gusht 2011 kishte pasur dy rënie të tilla.