Punëtorët e larguar të KEDS-it paralajmërojnë grevë e protesta

Federata e Sindikatave të Pavarura Elektrokosova, ka paralajmëruar nisjen e protestave dhe grevave.

Një vendim të tillë kanë thënë se do ta bëjnë pasi asnjë institucion nuk u ka dalë në ndihmë për t’i kthyer punëtorët në KEDS. Për më shumë, drejtuesit e kësaj sindikate kanë thënë se kompania turke ka filluar të punësojë njerëz të politikanëve, që kanë qenë të lidhur me procesin e privatizimit, përcjell albinfo.ch.

Sipas tyre, është koha që distribucioni të kthehet aty ku ishte para privatizimit, pasi kompania që e ka privatizuar ka bërë shkelje të shumta të kontratës.