Zaev premton depolitizimin të policisë

Rreth 600 policë të Maqedonisë u mblodhën në Shtip me rastin e Ditës së Policisë, për të prezantuar aftësinë e tyre me ushtrime demonstruese. Kryeministri i Maqedonisë, Zoran Zaev, ministri dhe zëvendësministri i Punëve të Brendshme, Spasovski dhe Nuhiu, u ndan çmime gjashtë pjesëtarëve të policisë për punën e deritanishme, përcjell albinfo.ch.

Kryeministri Zaev tha se po punohet në de-politizimin dhe profesionalizimin e policisë, duke potencuar se Qeveria aktuale asnjëherë nuk do të përdorë policinë për qëllime personale.

“Është shumë e rëndësishme që Maqedonia t’i profesionalizoj dhe t’i depolitizojë shërbimet dhe të ndërtojmë sistem që do ti sigurojë funksionet themelore të policisë, pavarësisht ndërrimit të pushteteve. Policia dhe Ministria e Punëve të Brendshme nuk guxojnë më asnjëherë që të keqpërdoren për qëllime politike për arsye të mbështetjes së disa personave në Qeveri”, deklaroi Zaev.