Zvicra do të ndalojë firmat që angazhojnë mercenarë

Këshilli Federal i Zvicrës ka këmbëngulur në planin e tij për të ndaluar kompanitë që bëjnë angazhimin e ushtarëve me pagesë (mercenarëve). Pas përfundimit të procedimit, të këtij plani, qeveria ka angazhuar departamentin për çështje juridike dhe polici që deri në fund të vitit të përpunojë planin për këtë ndalim.

Në projektligjin e planifikuar parashihet që firmat private të cilat ofrojnë nga Zvicra shërbime sigurimi, ta kenë të ndaluar pjesëmarrjen në konfliktet e armatosura.

Veç kësaj, në të ardhmen firmat e sigurisë, me seli në Zvicër, nëse duan të punojnë jashtë vendit duhet të paraqiten te autoritetet përkatëse, në mënyrë që aktivitetet e tyre të mund të mbikëqyren.

Nga fundi i vitit 2010 në Zvicër ekzistonin 20 firma të tilla që ofronin shërbime sigurimi.