4 miliardë nga tatimet e padeklaruara

Më shumë se 40 mijë procese penale janë proceduar në vitin 2010 dhe 2011 kundër evazionit fiskal.

Hetuesit e mashtruesve fiskalë në landet gjermane, dy vitet e fundit i kanë siguruar zyrës së fiskut gati katër miliardë euro. Sipas raportit të fundit mujor të Ministrisë federale të Financave, këto të ardhura nga tatimet shënuan 2,2 miliardë euro në 2011 dhe 1,7 miliardë euro në 2010, transmeton DW.

Numri i çështjeve të përfunduara ishte 35.592 në 2011 dhe 34.186 në 2010. Këtu nuk përfshihen të ardhurat fiskale shtesë pas vetë denoncimeve të mashtruesve fiskalë.Kontrollet e kryera nga hetuesit fiskalë në vitin 2010 çuan në hapjen e 25.437 procedurave penale, dhe në 16.119 procedurave në vitin 2011. Volumi i gjobave monetare në vitin 2011 u rrit në krahasim me 2010 nga 1, 7 milionë në 11,3 milionë euro.

Puna e hetuesve të evazionit fiskale është vënë në qendër të diskutimit publik për shkak të blerjes së CD-ve me të dhëna të atyre u shmangen tatimeve.

Landi Renani Veriore – Vestfali, që ka blerë tashmë disa herë CD me të dhëna bankare të klientëve gjermanë në bankat zvicerane, e konsideron këtë metodë një mjet efikas në luftën kundër kriminalitetit fiskal.

Qeveria gjermane nga ana e saj i refuzon bizneset me vjedhësit e të dhënave dhe kërkon ratifikimin e një marrëveshje fiskale me Zvicrën.