Kosova
Përplasen Haliti e Quni për fondet e UÇK-së gjatë luftës
Kryesuesi i seancës së Kuvendit, Xhavit Haliti dhe deputeti i LDK-së, Anton Quni, kanë pasur një përplasje me fjalë në nisje të seancës së Kuvendit. Haliti ka nisur fjalën duke thënë se Quni ka gënjyer publikisht në një emision televiziv kur ka thënë se “Haliti ka marrë 8 milionë marka nga Ahmet Krasniqi për UÇK-në”. Ai ka kërkuar fakte për këtë dhe ka shtuar se do të dorëhiqet nëse vërtetohet një gjë e tillë, përcjell albinfo.ch.
I menjëhershëm ka qenë reagimi i Qunit që ka thënë se shifrën e saktë mund ta zbulojë dhe do të publikojë në detaje ditën, datën, shifrën e gjithçka tjetër në lidhje me këto ngjarje të kohës së luftës. Haliti ka marrë sërish fjalën, duke thënë se Qunin e ka njohur vetëm pas luftës, ndërsa për marrëveshjet ekonomike ka qenë në njohuri vetëm Bujar Bukoshi, kryeministër i asaj kohe. Deputeti Quni ka kërkuar që sërish ta marrë fjalën, por nuk i është dhënë nga kryesuesi Haliti. Kuvendi më pas ka votuar për formimin e Komisionit hetimor për të hetuar rastin e gjashtë shtetasve turq. Po ashtu me shumicë votash deputetët e Kuvendit të Kosovës kanë votuar për emrat e anëtarëve të Këshillit Shtetëror të Cilësisë.
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë