Kosova

Miratohet Kodi i ri Penal i Kosovës

E premte, 13 Prill 2018 - 10:30 albinfo.ch

Qeveria e Kosovës ka miratuar Projekt Kodin e ri të Kosovës. Ministri i Drejtësisë së Kosovës, Abelard Tahiri tha se ky projekt kod është në harmoni me standardet e Bashkimit Evropian.

Ministri tregoi se me këtë projekt kod iu ndalohet deri në 10 vjet ushtrimi i funksionit publik në rast të aktgjykimit përfundimtar.

Dënimet sipas Tahirit janë rritur edhe për ata që bëjnë trafikim me qeniet njerëzore, krahas luftimit më të madh të krimit dhe korrupsionit, përcjell albinfo.ch.

Kryeministri i Kosovës, Ramush Haradinaj tha se “është një ditë e suksesshme e cila e konfirmon luftën kundër krimit dhe korrupsionit”.