VV-ja për Haradinajn: Urime dita juaj kryeministër

Lëvizja Vetëvendosje ka zhvilluar një aktivitet simbolik para Qeverisë së Kosovës.

Aktivistë të lëvizjes së drejtuar nga Albin Kurti, kanë përdorur datën e sotme – 1 prillin, si simbolikë për t’ia kujtuar kryeministrit, Ramush Haradinaj, premtimet e bëra gjatë fushatës.

“1 prilli është datë përkujtuese për qeveritarët tanë. Na kanë thënë se do ta hapen 80 mijë vende pune. Jo që nuk kemi punë, por po kemi edhe ikje te të rinjve”, ka thënë aktivistja e Vetëvendosjes, Arta Berisha, përcjell albinfo.ch.

“Haradinaj premtoi rritje të rrogave, formimin e ushtrisë, rritjen e pensioneve…krejt çka bëri është rritja e rrogës për vete, ministrave dhe zëvendësministrave në qeverisë e tij e cila është e papërspektivë për qytetarët”.

“Me demarkacionin i falën tokë Malit të Zi. Urime dita juaj kryeministër”, ka thënë Berisha ndër të tjera.

Ajo ka thënë në fund se sot është dita e vetme në të cilën Haradinaj i ka mbajtur premtimet.