Beqaj: Kosova, me potencial për t’u bërë qendër rajonale për inovacion

Ministri i Inovacionit dhe Ndërmarrësisë të Kosovës, Besim Beqaj, po merr pjesë në edicionin e parë të konferencës “IT Hub Connect 2018” në Sofje të Bullgarisë.

Ai ka thënë se kapacitetet e Kosovës në zhvillimin e inovacioni dhe ndërmarrësish në shërbimi të zhvillimit ekonomik janë të mëdha, pasi Kosova posedon rini të shkathtë dhe të gatshme për të ecur me hapin e vendeve të zhvilluara, përcjell albinfo.ch.

“Kosova ka kapacitete për t’u bërë qendër rajonale për inovacion, pasi potenciali i të rinjve të saj është i jashtëzakonshëm. Kosova ka popullatë të re me shkathtësi në fushën e teknologjisë, të cilët ekonominë e Kosovës do ta shndërrojnë në ekonomi të dijes që është garanci për zhvillim të qëndrueshëm ekonomik”, ka thënë ai në këtë konferencë.