Vjedhja e të dhënave nga facebook-u, nuk ka prekur Zvicrën

Nuk ka indikacione që kompania Cambridge Analytica të jetë angazhuar në sferën e përdoruesve zviceranë të Facebook-ut, thotë i ngarkuari federal për mbrojtjen e të dhënave dhe për media, Adrian Lobsiger

Keqpërdorimi i rreth 50 milionë të dhënave, për çfarë ditëve të fundit është vënë në shënjestër rrjeti më i madh social në botë, Facebook-u, duket se është kufizuar vetëm në hapësirat anglishtfolëse të botës.

Nuk ka indikacione që kompania Cambridge Analytica të jetë angazhuar në sferën e përdoruesve zviceranë të Facebook-ut, thotë i ngarkuari federal për mbrojtjen e të dhënave dhe për media, Adrian Lobsiger. Ai këtë deklaratë e ka dhënë  sot emisionin e radios së transmetuesit publik të Zvicrës, SRF, “Samstagsrundschau”.

Ai e kishte publikuar që në vjeshtën e kaluar një broshurë me kërkesat për mbrojtjen e të dhënave, të bërë ndaj të ashtuquajturave “Kampagnen-Tools”, transmeton albinfo.ch. Me këto vegla, të dhënat personale shfrytëzohen për qëllime politike.