Deputetja e VV-së Donika Kadaj rikthehet në AAK

Nga sot, Donika i rikthehet Grupit Parlamentar të Aleancës për Ardhmërinë e Kosovës. Rrugëtimin nëpër proceset politike në vend do ta vazhdojmë bashkërisht”, ka shkruar Haradinaj

Kryetari i AAK-së dhe kryeministri i Kosovës, Ramush Haradinaj përmes një postimi në Facebook ka konfirmuar se deputetja Donika Kadaj-Bujupi është rikthyer në partinë e tij. Kadaj-Bujupi ishte larguar nga AAK-ja për t’u bashkuar me Vetëvendosjen, dhe sot është rikthyer edhe zyrtarisht te partia e udhëhequr nga Haradinaj.

“Me deputeten e Kuvendit, Donika Kadaj-Bujupi, bashkëbiseduam për zhvillimet aktuale politike në Kosovë. Nga sot, Donika i rikthehet Grupit Parlamentar të Aleancës për Ardhmërinë e Kosovës. Rrugëtimin nëpër proceset politike në vend do ta vazhdojmë bashkërisht”, ka shkruar Haradinaj në Facebook.

Mirëseardhje në këtë parti Donika Kadajt i ka uruar edhe deputeti Daut Haradinaj.