Shqipëria

DEA amerikane zbarkon në Durrës

E martë, 6 Mars 2018 - 13:15 albinfo.ch

Mesditën e sotme, katër agjentë të DEA-s amerikane kanë mbërritur në portin e Durrësit.

Mësohet se vizita e tyre lidhet me sekuestrimin e 613 kg kokainë në kontenierin të ardhur nga Kolumbia, shkruajnë mediat shqiptare.

Qendra e antidrogës amerikane që mbulon rajonin e Ballkanit është me zyrë në Athinë, përcjell albinfo.ch.

Më 27 shkurt një ngarkesë me banane e mbërritur nga Kolumbia në portin e Durrësit, rezultoi se fshihte 613 kg kokainë.

Pas këtij operacioni u vunë në pranga shoferi i kamionit dhe administratori i kompanisë që kishte porositur bananet “Arbri Garden”.

Po ashtu është shpallur në kërkim edhe pronari i kompanisë Arbër Çekaj.

 Të tjera nga Shqipëria

Rama ironizon kërkesat për dorëheqje: Dorëhiqem në vitin 2030

 E-Diaspora

 Jeta në Austri