Maqedonasit djegin fotografinë e Zaevit në Australi

Protestues maqedonas kanë djegur fotografinë e kryeministrit Zoran Zaev në protestën që u mbajt në Melburn të Australisë.

Protestues me flamurin e vjetër të Maqedonisë i kanë vënë flakën fotografisë së Zaevit, duke kënduar këngë mallkuese “zjarri ta djegtë” dhe slogane të tjera, shkruan “Alsat M.”.

Në protestë kanë marrë pjesë qindra vetë duke theksuar se janë kundër ndryshimit të emrit, ndërsa kanë theksuar se Zoran Zaev, Radmilla Sheqerinska dhe Nikolla Dimitrov janë personalitete të padëshirueshme në Australi, përcjell albinfo.ch.

Po ashtu kanë theksuar se nuk do të pranojnë asnjë ambasador maqedonas që do të vijë në mision diplomatik në Australi.

Hundreds of #Macedonians protesting in Sydney over ongoing dispute with Greece @SBSNews pic.twitter.com/Bo2cVBckFU

— Lydia Feng (@LydiaLFeng) March 4, 2018