Temperaturat e ulëta, qytetarët presin për viza

Edhe pse temperaturat janë minus, dhe në Kosovë po mbretëron ftohtë i madh, shumë qytetarë kanë pritur sot para Ambasadës Gjermane.

Për aplikim dhe marrje të vizës për këtë shtet, kosovarët po presin me orë të tëra para ambasadës për shkak të procedurave tejet të zgjatura, shkruan Indeksonline.

Një qytetar i frustruar me këtë gjendje ka publikuar një video duke treguar pritjet e qytetarëve, përcjell albinfo.ch.

Ndërkohë, demarkacioni as seancën e djeshme nuk përfundoi, duke u shtyrë për një datë të pacaktuar.

Derisa, Kuvendi nuk miraton demarkacionin, kusht i vënë nga BE për të fituar vizat, qytetarët do të vazhdojnë të presin për shkak të regjimit të vizave.