I dënuar në Shqipëri, ekstradohet nga Gjermania

Një 31-vjeçar nga Tirana i dënuar dy vite më parë me shtatë vite burg për vjedhje me dhunë të kryer në bashkëpunim është ekstraduar nga Gjermania për të kryer dënimin në Shqipëri.

Bëhet e ditur se nga Specialistët e Interpol Tirana u krye ekstradimi nga Frankfurti i Gjermanisë i 31-vjeçarit Redi Ferizaj (Allkoci), shkrun “TCH”.

31-vjeçari ishte shpallur në kërkim pasi Gjykata e Rrethit Gjyqësor Tiranë, e ka dënuar me shtatë vite burg për veprën penale “Vjedhja me dhunë” e kryer në bashkëpunim, përcjell albinfo.ch.

Si rezultat i bashkëpunimit të Interpol Tirana me Interpol Wiesbaden, u bë i mundur arrestimi i tij në Gjermani, duke e finalizuar me ekstradimin e tij drejt Shqipërisë.