Futbollisti në ndeshje, zjarrfikësit në shtëpi

Futbollisti ganez, Bernard Tekpetey, ishte në një ndeshje të Bundesligës, derisa zjarrfikësit duhej të merreshin me një tenxhere që nuk ishte fikur, raportojnë mediat gjermane.

Sulmuesi anësor i djathtë, i cili është kthyer në Schalke pas huazimit nga Austria, ishte në bankën rezervë në fitoren 2:1 kundër Hoffenheim, përcjell albinfo.ch.

Ndërkohë, ai ishte ulur në bankën rezervë me shpresë se do të hynte në ndeshje, tenxherja ende po gatuante. Ajo shkaktoi një alarm zjarri për shkak të tymit.

Zjarrfikësit kishin intervenuar pas thirrjes nga fqinjët e tij, shkruan e përditshmja gjermane ‘Bild’.

Incidenti ndodhi të shtunën në ora 10:00 dhe askush nuk ishte plagosur, derisa futbollisti ganez mbërri vetëm gjysmë orë pas dramës.

Futbollisti ka dy paraqitje me Ganën në Kupën e Kombeve të Afrikës më 2017 dhe sapo është kthyer në Schalke, pasi ishte huazuar gjashtë muaj në skuadrën austriake, Altach.