Shumë qytetarë të Korçës kundër dënimit të Skënderbeut nga UEFA

Mijëra qytetarë kanë protestuar në Korçë kundër dënimit të klubit të futbollit Skënderbeu nga UEFA.

“Mos na vrisni ëndrrën”, kanë thirrur qytetarët që kanë dalë kundër përjashtimit të skuadrës së tyre të zemrës nga UEFA për dhjetë vjet, shkruan “Top-Channel”.

Ditë më parë u publikua një raport ku kërkohej dënimi prej dhjetë vitesh përjashtim si dhe gjobë prej një milion euro për shkak të kurdisjeve të ndeshjeve.