Kosova
Komisioni e dërgon në Kuvend Projektligjin për demarkacionin
Deputeti i Vetëvendosjes, Visar Ymeri, ka thënë se kjo marrëveshje në këtë formë nuk duhet t’i dërgohet Kuvendit për miratim
Komisioni për Punë të Jashtme e ka proceduar në seancë plenare marrëveshjen për demarkacionin me Malin e Zi. Me katër vota për, 2 kundër nga Visar Ymeri e Aida Dërguti, dhe një abstenim nga Dukagjin Gorani, marrëveshja i përcillet seancës për shqyrtim. Deputeti i Vetëvendosjes, Visar Ymeri, ka thënë se kjo marrëveshje në këtë formë nuk duhet t’i dërgohet Kuvendit për miratim.
Kur foli për marrëveshjen e presidentëve tha se nga njëra anë pretendohet nga Qeveria e Kosovës se do të korrektohen gabimet, e ndërkohë pala malazeze thotë se do të ketë korrektime, por ato nuk do të jenë të mëdha. Ai ka thënë se vota e deputetëve të Vetëvendosjes do të jetë kundër.
Ndërkohë, Elmi Reçica i PDK-së ka thënë se marrëveshja e presidentëve jep mundësi që të sigurohen argumente për kufirin. Theksoi se marrëveshja e 16 shkurtit ka pasur jehonë pozitive te qytetarët, duke kërkuar nga deputetët që ta votojnë marrëveshjen.
Ndërsa, Time Kadrijaj e AAK-së ka falënderuar Malin e Zi që ka pranuar të nënshkruajë marrëveshje me presidentin Thaçi, që mundëson korrektimin e kufirit.
Kryesia e Kuvendit të Kosovës pritet të mblidhet sot në orën 16:00, për të proceduar tutje projektligjin për demarkacionin e kufirit me Malin e Zi. Qeveria një ditë më parë ka proceduar në Kuvend marrëveshjen bashkë me raportin e Bulliqit e deklaratën e presidentëve në Kuvend.
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë