Të dielën seanca për demarkacionin

Seanca parlamentare për votimin e aneks-marrëveshjes për Demarkacionin mes Kosovës e Malit të Zi do të mbahen të dielën në orën 18:00.

Kështu ka njoftuar, deputetja e Lëvizjes Vetëvendosjes, Albulena Haxhiu. Ajo ka thënë se ky vendim i Kadri Veselit përmban shkelje sepse sipas saj vendimi është marrë unanimisht nga kryetari i kuvendit, pavarësisht se mbledhja sipas saj nuk kishte kuorum, përcjell albinfo.ch.

Megjithatë, për caktimin e një seance për demarkacionin nuk ka qenë i nevojshëm kuorumi në Kryesi, pasi në rastet kur Presidenti, Kryeministri apo 40 deputetë kërkojnë seancë, kryesia mblidhet vetëm për të caktuar kohën e seancës.

Vetëvendosje është e vetmja deri më tani nga partitë politike shqiptare, që është kundër demarkacionit.