Shtyhen për të dielën aktivitetet kryesore të pavarësisë

Presidenca e Kosovës njofton se për shkak të Konferencës së Sigurisë që do të mbahet në Munih të Gjermanisë nga 16 deri më 18 shkurt Këshilli Organizativ për 10 vjetorin e pavarësisë ka shtyrë për të dielën aktivitetet për 10-vjetorin e Pavarësisë së Kosovës, që ishin paraparë të zhvilloheshin më 17 shkurt.

Seanca solemne e Kuvendit, ngritja e flamurit, parada e FSK-së janë shtyrë për të dielën më 18 shkurt, përcjell albinfo.ch.

Zyra e Presidentit ka njoftuar se ndryshimi është bërë për shkak të pamundësisë që të jenë prezent në seancën solemne disa nga miqtë ndërkombëtare dhe se disa prej tyre, do të kenë adresim edhe në Kuvendin e Kosovës.