Policia shpëton dy francezë të bllokuar në Kodrën e Diellit

Dy shtetas të Francës, vullnetarë të Qendrës për Dialog Interkulturor nga Kumanova, të shtunën pasdite janë hutuar dhe kanë humbur në Kodrën e Diellit.

Pas denoncimit në polici, menjëherë është filluar kërkimi i tyre, përcjell albinfo.ch.

“Policia e Kodrës së Diellit dhe përfaqësues të shërbimeve të shpëtimit menjëherë kanë filluar aktivitetet e koordinuara për gjetjen e tyre. Diku rreth orës 17:50, ata u gjetën të gjallë, por të bllokuar nga i ftohti. Ata më pas janë dorëzuar tek departamenti i policisë në Kodrën e Diellit”, thuhet në njoftimin zyrtar.