VV-ja bën homazhe te varri i Arben Xheladinit

Xheladini kishte vdekur në një nga protestat më të mëdha të pasluftës, organizuar nga Lëvizjes Vetëvendosje 11 vjet më par

Qytetarë, deputetë të Lëvizjes Vetëvendosje dhe familjarë kanë bërë homazhe te varri i Arben Xheladinit në 11-vjetorin e vdekjes së tij. Xheladini kishte vdekur në një nga protestat më të mëdha të pasluftës, organizuar nga Lëvizjes Vetëvendosje 11 vjet më parë.

Protesta kishte eskaluar, pasi protestuesit kishin provuar të thyenin kordonin e policisë së UNMIK-ut, të cilët më pas kishin reaguar dhunshëm me gaz lotsjellës e plumba gome.

Pos Xheladinit, në protestë kishte mbetur i vdekur edhe Mon Balaj.

Deputetja Fitore Pacolli tha se Arbeni do të mbetet një udhërrëfyes dhe do t’i prijë në çdo sfidë e betejë në të cilën ata do të ballafaqohen në të ardhmen.

“Ne nuk do t’i harrojmë asnjëherë Monin e Arbenin dhe do të vazhdojmë pa u ndalur drejt vullnetit të tyre që të mos lejojmë as të copëtohet e as të falet territori ynë përmes Zajednicës e demarkacionit”, ka thënë ajo.