Policia përdor armët për të ndalur një veturë

Lidhur me këtë rast Policia ka arrestuar dy personat e dyshuar që ndodheshin në automjet, të cilët janë dërguar për tretman mjekësor në QKUK pasi të njëjtit kanë pësuar lëndime nga aksidenti

Policia e Kosovës sot është detyruar të përdorë armët për të ndalur një veturë në Prishtinë.

Zëdhënësja e Policisë, Florie Ahmeti-Haziraj, tha për “KALLXO.com” se të dyshuarit nuk i janë bindur urdhrit të Policisë dhe me veturën e tyre janë nisur në drejtim të “Kodrës së Trimave”, duke rrezikuar vazhdimisht kalimtarët dhe policët, përcjell albinfo.ch.

Sipas saj, zyrtarët policorë duke marrë në konsideratë faktin se veprimet e të dyshuarit (ngasësit) përbënin një kërcënim të drejtpërdrejtë, potencialisht të rrezikshëm për qytetarët dhe jetën e tyre, domosdoshmërish janë detyruar të përdorin armën e zjarrit me qëllim të neutralizimit të veprimeve të tilla të rrezikshme, duke shtënë në drejtim të gomave të automjetit.

“Lidhur me këtë rast Policia ka arrestuar dy personat e dyshuar që ndodheshin në automjet, të cilët janë dërguar për tretman mjekësor në QKUK pasi të njëjtit kanë pësuar lëndime nga aksidenti”, tha për “KALLXO.com” Florie Ahmeti-Haziraj.