Bytyqi: Mosnostrifikimi i diplomave, peng i zhvillimeve politike

Ai ka dhënë kritika për zvarritjen e shumë aplikimeve nga Departamenti i nostrifikimeve të quajtur NARIC, e që punon në kuadër të Ministrisë së Arsimit

Diplomat e Kosovës nuk po nostrifikohen nga shteti i Serbisë, njësoj siç po ndodh me diplomat e Serbisë në Kosovë.  Për këtë Komisioni për të Drejtat e Njeriut ka kërkuar llogari nga ministri i Arsimit, Shyqeri Bytyqi, të cilin e kishte ftuar për raportim.

Bytyqi tha se nostrifikimi i diplomave ndërmjet Kosovës dhe Serbisë ka mbetur peng i zhvillimeve politike.

Ai ka dhënë kritika për zvarritjen e shumë aplikimeve nga Departamenti i nostrifikimeve të quajtur NARIC, e që punon në kuadër të Ministrisë së Arsimit. Por tha se do të bëhet një monitorim i këtij departamenti dhe askujt nuk do t’i bëhet e padrejtë.