Në Kosovë rritet për 30 % numri i të prekurve nga kanceri

Dita Botërore e Kancerit Kosovën e gjen me rritje prej 30 % të numrit të personave të prekur nga kjo sëmundje.

Numri i pacientëve me lloje të ndryshme të kancerit dy vjetët e fundit ka shënuar rritje për 25 deri në 30 përqind, përcjell albinfo.ch.

Derisa në vitin 2016, numri i personave me kancer ishte 1240, gjatë vitit 2017, ky numër ka arritur në 1550 raste të reja.

Sipas onkologëve, me rëndësi është që kosovarët po e identifikojnë më shpejt këtë sëmundje, gjë që e bën shumë më të lehtë trajtimin e sëmundjes. Sipas drejtorit të Klinikës së Onkologjisë, Ardian Millaku furnizimi me citostatikë dhe barna të tjera që nevojiten për kimioterapi është shumë i mirë. Pacientët që luftojnë me këtë sëmundje thonë se shpesh barnat i paguajnë nga xhepi i tyre.