Rrëshqet dheu në një ndërtesë në Gjirokastër, rrezikohen banorët

Reshjet e shiut kanë shkaktuar përmbytje të mëdha duke shkaktuar panik në Gjirokastër.

Rrëshqitja e tokës ka ndodhur pranë një ndërtese e cila është ndërtuar pranë një kodre. Në mëngjes vërshimi i baltës ka arritur deri në katin e katërt të kësaj ndërtese, përcjell albinfo.ch.

Banorët kanë thënë se nuk kanë siguri për jetën ndërsa kërkojnë ndihmën e institucioneve. Komuna konfirmoi se do të marrë masa pas vlerësimit final të ekspertëve.

Ndërkaq, dy familje në lagjen Cfakë në qytet kanë filluar të evakuohen pas thellimit të rrëshqitjes.

Në të gjithë qytetin, Shtabi i Emergjencave ka kërkuar të mbahen në mbikëqyrje 7 pika me rrezik të lartë për shembjeje, ndërsa pritet ngritja e një komisioni të gjerë për të vlerësuar situatën dhe për të marrë masa.