Ambasadori i zviceran viziton Vetëvendosjen, interesohet për zhvillimet politike

“Në fund të këtij takimi të dyja palët u dakorduan për vazhdimin e komunikimit dhe të takimeve të rregullta”, thuhet në fund të komunikatës

Ambasadori I Zvicrës në Kosovë, Jean-Hubert Lebet ka zhvilluar sot një takim me përfaqësuesit e  Lëvizja Vetëvendosje, për të mësuar nga kryetari Albin Kurti rreth zhvillimeve në këtë parti. Përmes një komunikate lëshuar nga LVV, thuhet se në takim u bisedua për situatën e përgjithshme në vend me theks të veçantë për zhvillimet e fundit politike.

“Po ashtu u diskutua edhe për rëndësinë e bashkëpunimit mes Kosovës dhe Zvicrës si dhe mundësitë për ta thelluar e zgjeruar këtë bashkëpunim në interes të ndërsjellë”, thuhet në komunikatë.

Kryetari i Vetëvendosjes, Albin Kurti ndër tjerash e ka njoftuar ambasadorin Lebet me qëndrimet, sfidat dhe vizionin e Lëvizjes Vetëvendosje. “Në fund të këtij takimi të dyja palët u dakorduan për vazhdimin e komunikimit dhe të takimeve të rregullta”, thuhet në fund të komunikatës.